SEULO, la kongres-urbo de la 3a Azia Kongreso
Seulo, la chefurbo kaj la koro de Korea Respubliko, enhavas
10.8 milionojn el la 43.7 miliona loghantaro de la tuta lando.
Ghi estas financa, politika, komerca, eduka, distra kaj kultura centro
de Koreio kaj estas hejmloko de chefaj korporacioj, bankoj, shtataj
oficejoj, lernejoj kaj universitatoj, teatroj kaj amuzrimedoj.
Por lokaj loghantoj kaj eksterlandaj vizitantoj tie trovighas richa
kaj kontentiga vario de ajhoj por vidi kaj fari.
Seulo estis iama sidejo de registaro en la regno Baekje, pli
ol 1500 jarojn antaue. Sed la vera genezo de la urbo komencighis
en 1394, kiam ghi farighis la chefurbo de la regno Joseon
(1392-1910).
En 1994 Seulo festis sian 600 jarighon kiel la chefurbo. La regno
Joseon, fama pro sia kulturo kaj arto vidighas vivanta en la urbo
hodiau: kvin el la originalaj pordegoj kaj partoj de la 16-kilometra
urbomuro estis renovigitaj, kaj kvar chefaj palacoj de la regno Joseon
kaj unu ghardeno kun reghaj praavaj sanktejoj pli kolorigas kaj charmas
modernan Seulon.
Seulo estas unu el la tiuj urboj, kiuj ghis nun konservis la
arkitekturajn simbolojn de la pasinteco meze de sia transformigho
al metropola urbo. La loko de la olimpikoj en 1988, Seulo plu sin
modernigis, ankorau atente konservante la valoran heredajhon nutritan
per ghiaj antikvaj urbomuroj.
@