La Protokolo de la Kunsidoj de KAEM, 2000
Okazis 2 kunsidoj dum la Universala Kongreso (UK) en Tel-Avivo,
nome la Oficiala, chefe per la komisionanoj, kaj la publika, malfermita.
La Protokolo de Fermita Kunsido de KAEM dum UK en Tel-Avivo
*Tempo kaj Dato: 13:30-15:15, la 30an de julio 2000
*Loko: salono Dratwer, en la Kongresejo en Tel-Avivo
*Cheestantoj: Takeuti Yosikazu, Sy^ozi Keiko, Lee Chong-Yeong
(reprezentanto de KEA) kaj Lee Jung-Kee
*Prezidis: Takeuti Yosikazu
*Protokolis:Sy^ozi Keiko
*Temoj:
Ni diskutis pri la venonta "Azia Agado" kaj decidis traktendajn temojn en ghi.
1) Raporto de KAEM --- Puramo Chong
Esperanto en Azio --- Takeuti
Projekto C --- Sy^ozi
2) Agado de Landaj Asocioj
3) Pri IJK --- Yu Tao
4) 3a Azia Kongreso en 2002 --- Lee Chong-Yeong, KEA
5) 4a Azia Kongreso en 2005 --- propono de Nepala E-Asocio
6) Libera diskuto
Poste ni informighis de Lee Jung-Kee pri financa problemo kaj struktura
shangho de KEA.
La Protokolo de Publika Kunsido pri Azia Agado kadre de la 85a UK en Tel-Avivo
*Nomo de kunsido: Azia Agado
*Tempo kaj Dato: 14:15 - 15:15, la 31a de julio 2000
*Loko: Salono Dratwer en la Kongresejo
*Cheestantoj: ch. 50
*Prezidis: P Syo^zi Keiko
*Protokolis: Takeuti Yosikazu
*1. Syo^zi prezentas la cheestantajn membrojn de KAEM: Puramo Chong, Takeuti
Yosikazu, Yu Tao kaj Syo^zi Keiko. Shi ordigas la diskutendajn temojn.
*2. P.Chong ghenerale skizas la agadon de KAEM lastjare:
Sukcesis la 2a Azia Kongreso en Hanojo kun partopreno de pli ol
500 personoj el 15 landoj.
Responde al la peto de la aktivuloj de Hongkongo, Trevor Steel estis
sendita, kiel kompetenta instruisto pri Esperanto, por trejni lokajn
junulojn. Ankau Atilio Rojas vizitis Nepalon. Tiuj agadoj okazis lau
la projekto de KAEM kaj per la subvencio de Fondajho Azio de UEA.
*3.Takeuti raportas pri la bulteno Esperanto en Azio,
la oficiala organo de KAEM : Nun la kvanto de distribuataj ekzempleroj estas
835, el kiuj 166 estas sendataj al japanoj, kiuj ricevas sian ekzempleron nur
kontrau la mondonaco minimume je 2 000 enoj jare. Ceteraj ekzempleroj
estas dissendataj ekster Japanion preskau senpage. Kvankam tio estas
signifa por diskonigi la azian agadon en kaj ekster Azio, tamen tiom da
senpagaj distribuoj serioze kauzis financan problemon por Fondajho Azio.
KAEM decidis, ke ghi ne plu sendos la bultenon senpage al la
samideanoj en t.n. richaj landoj, sed esperas, ke ili daure abonos ghin
kontrau la donaco de minimume 20 euroj jare. La bulteno devis aperi
kvarfoje en jaro, kio tamen ighis malfacila chefe manko de laborforto.
Fakte lastjare ghi eldonighis nur trifoje. Konsiderante la aktualan
situacion de la bulteno, KAEM decidis, ke estonte ghi eldonighos
trifoje en jaro tamen esperable kun pliricha enhavo.
*4.Syo^zi raportas pri Projekto C: Chijare 42 esperantistoj
estis akceptitaj kiel membro de UEA, t.e. 23 (Chinio), 1 (Rusio) kaj 18
(Vjetnamio). Ghojindas ke KAEM ricevis plimulte da peticioj el Vjetnamio
pro la pozitiva influo de Azia Kongreso.UEA estas preta akcepti pli da
aktivuloj kondiche ke iliaj petoj atingu JEI-on ghis la mezo de augusto.
*5.Sekvas raportoj de landaj asocioj.
Chinio (Yu Tao) :
Okazis la 4a China Esperanto-Kongreso en Guilin. Post tio la chefa tasko
de ChEL estis prepari feston de 50jara jubileo de El Popola Chinio
kaj inviti UK-on denove al Chinio en 2004. Gravaj jhurnalistoj estis invititaj
al la jubilea festo kaj tio multe helpis diskonigi Esperanton al la publiko.
China Esperanta Eldonejo aperigis chefan verkon de Bakin, "La Familio".
China Fervojista Esperanto-Asocio eldonis terminaron por fervojistoj.
ChEL penis reformi sian laborstrukturon kaj doni pli da servoj al la membroj.
Japanio (Takeuti Yosikazu) :
Por la jaro 2000 JEI starigis tri gravajn taskojn. Unue organize fortigi JEI-on
klopodante multigi siajn membrojn. La Revuo Orienta farighis plidika
(40 paghoj) kaj pliampleksa, kio kun la richa enhavo de la revuo ebligis al
JEI pligrandigi la kvanton de informado.
Due surbaze de la sukceso de Azia Kongreso JEI daurigos
kunlabori kun KAEM kaj instigos japanajn esperantistojn partopreni en
esperantaj aranghoj, kiuj okazos en aziaj landoj.
Trie la jaro 2006 estos la centjara jubileo de la organizita esperanto-movado
en Japanio. JEI direktas kaj akumulas sian agadon cele al la jaro 2006, kaj alvokos
la tutan esperantistaron de Japanio adapti sin al la sama agado.
La 84a Japana kongreso okazis en Motizuki kun partopreno de 472 personoj.
La kongreson en intermonta urbeto faris tiel internacia kaj prestigha la
cheestoj de la gravaj personoj kaj reprezentantoj de landaj asocioj kiel
Kep Enderby, Lee Chongyeon, Wang Shirong kaj Nguyen Phong Mai.
Rimarkinda estis aktiva engaghigho de JEI en diversaj movadaj kampoj.
Okazis diversloke regionaj kongresoj kaj intensivaj kursaroj nomataj
kunloghado kaj Narendra Bhattarai el Nepalo partoprenis la kongreson de
la regiono Kanto^. Informa fako de JEI kompilis la broshuron nomatan
Blanka Libro pri Informado.
Koreio (Lee Ghongse) :
Korea Esperanto-Asocio kun 290 membroj (inkluzive de 130 dumvivaj membroj)
jubileas 80an jaron chi-jare. La organo Lanterno de Azio estas
daure eldonata chiumonate. La nombro de la aktivaj esperantistoj faras
kontraston, se oni komparas ghin al tiu de studentoj, kiuj lernas
Esperanton. Kaj en Seulo kaj en Pusan, Esperanton lernas kelkcentoj au
ech milo da studentoj. Okazas ankau kvarsezonaj kursoj en kunloghado
kun 40-50 kursanoj. Lokaj kursoj okazas en gravaj urboj. Ekde la lasta
jaro KEA organizis eventon titolitan Tago de Pioniroj. En 1999 tio
okazis omaghe al Chung Sasub (Dan trinaro) kaj en 2000 al Hong Hengwi.
Pasintjare eldonigis kvin libroj: "Korea Antologio de Noveloj", "Liberpoeto
de Dan Trinaro", "Birdoj sen flugiloj", "Esperanto - internacia Komuna lingvo
por Paco" kaj "Hong Hengwi, La Esperantisto".
La 31a Korea Kongreso en 1999 okazis en Seulo kun 200 partoprenantoj inkluzive
la prezidanton de UEA, kaj la 32a kongreso en 2000 havis la lokon en Pusan kaj
ghin partoprenis 200. La urbo Seulo gastigis la konferencon de NGR, kaj profite
de tio KEA kaj UEA aranghis kolokvon titolitan "Lingvaj problemoj de
internaciaj organizajhoj". KEA starigis esperantan budon kun
ekspozicio, kiun vizitis multaj el la 10miloj da konferencanoj el 700
NGR. Menciindas la elsendo de esperanta interreta radio far de Ma
Youngtae kaj la sukceso de Seula Esperanto-Kulturcentro, kiu festis la
100-an jubilean unumonatan kurson.
Nepalo (Narendra Bhattarai) :
La plej grava evento estas la 3a Himalaja Renkontigho, kiun partoprenis
70 eksterlandanoj kaj ghuis richan programon. Atilio Rojas partoprenis la
Renkontighon kaj instruis Esperanton dum dek tagoj.
Nepala Esperanto-Asocio sukcesis havigi al si
la konstantan sidejon kie chiusabate kunvenas 20-30 personoj kaj
instruas kaj praktikas Esperanton. La Asocio komencis pretigi la
bibliotekon, kiu jam ricevis kelkajn librojn donace de Norvega
Esperanto-Asocio. Okaze de la kunsido de Zamenhofa Festo, la finintoj de
la kurso ricevis atestilon. La Esperanto-Nepala Vortaro estas kompilata
kaj oni esperas ke ghi baldau eldonighos. La Asocio deziras gastigi la
4an Azian Kongreson en Nepalo.
Syo^zi nomumas kelkajn landojn, el kiuj eventuale iuj povas
cheesti sed reagas neniu.
*6. Yu Tao informas pri la aktuala stato de la preparo de IJK en Hongkongo,
ke iras harmonie la kunlaboro de centraj kaj lokaj esperantistoj.
Alighis jam pli ol 200 personoj inkluzive tiujn el ekster Chinio.
*7. La kunsido temas pri la 3a Azia Kongreso kiu okazos en
Koreio post du jaroj. Lee Chongyeon, la prezidanto de KEA, demandas, kiu monato
estas la plej tauga por partoprenantoj de la Kongreso. Li diras, ke KEA estas
preta starigi LKK-on kiam KAEM definitive fiksos la kongresajn tagojn.
P. Chong diras, ke post la konsidero diversflanke KAEM decidis ke ghi
okazu en somero. Li anoncas, ke KAEM kaj LKK havos en Seulo la unuan
preparkunsidon chi-jare en decembro.
*8. Rilate al la 4a Azia Kongreso, P. Chong diras, ke KAEM serioze
traktos la oficialan leteron de Nepala Esperanto-Asocio kiu deziras ghin gastigi
en sia lando sed findecidos la aferon en la 3a Kongreso, char ghi okazos
ankorau post kvin plenaj jaroj.
Syo^zi invitas la cheestantojn, kiuj
travivis Himalajan Renkontighon kaj estas pretaj ion raporti.
Hori Yasuo parolas ke Nepalo estas charma lando kaj indas ripete viziti,
kion atestas la rapida kresko de partoprenantoj en la Renkontigho. Hori
ankau diras ke la movado shajnas vigla kaj junuloj estas kunlaboremaj.
Sinjorino ne-aziana (ne audeblis shia nomo) sin apogas al la opinio de
Hori kaj mencias la bezonon de ghustaj konsiloj de japanaj spertuloj .
Syozi demandas chu en Nepalo okazis nacia kongreso. Narendra respondas
ke jes, kaj la estraranoj de la Asocio estis demokratie elektitaj.
*9. Syo^zi deklaras nun trakti chiujn erojn, kiujn audis la
cheestantoj en la kunsido. Mihai Trifoi el Rumanio demandas kiom da
esperanto-institutoj ekzistas en Azio kaj kiel ili traktas internacian
edukprojekton. P.Chong atentigas la demandinton ke temas ne pri
institutoj sed shajne pri la landaj asocioj, kaj donas al li gheneralan
skizon tiurilate.
Okazis liberaj interparoloj pri la geografia situo de
Azio, pri kiu teritorie respondecas KAEM. Hang Jun, ina raportisto de
China Radio Internacia, diras ke granda felicho por aziaj esperantistoj
estas pli ol 30jara esperanta elsendado de ChRI, kiu tamen ricevas nur
malmultajn reagojn de samideanoj de aziaj landoj. Shi forte deziras ke
KAEM instigu la samideanojn auskulti la elsendon kaj resendi siajn ehhojn.
Yamasaki Seiko demandas, al kiuj ekster Azio tiom da ekzempleroj de
Esperanto en Azio estas distribuataj senpage. Takeuti respondas,
ke lau la redaktorino Doi Chieko ilin ricevas komitatanoj, kiuj havas
intereson al azia agado, sed KAEM ne plu faros tion kaj la bultenon
ricevos nur tiuj kiuj donacis monon.
Syo^zi invitas Ulrich Lins paroli ion. Lins dankas esti kvazau honora aziano kaj
gratulas pro la atingo de la movado en Azio. Li memorigas la 50an UK-on en Tokio,
kiu aparte inauguris azian esperanto-movadon sed en ghi sukcesis partopreni nur
unu-du koreoj el aziaj landoj. Li ankau diras ke tiu kongreso longe
perspektive donis stimulon al azia esperanto-movado kaj hodiau ni vidas
la rezulton. Li akcentis ke kelkajn sekundojn ni silente rememoru tiun
pioniran eventon, kiun ankau li persone partoprenis.
Syo^zi dankas la cheestantojn de la kunsido, kiuj donis novan energion
al esperanto-movado en Azio.
(fino)
*la