50jariĝo de la Universala Deklaracio de Homaj Rajtoj
Kolekto de subskriboj subtenantaj

La subskribado estas fermita. La kolektitaj subskriboj nombriĝis al 1133. Ili estos senditaj al U.N. Koran dankon por via koopero. (98-11-14 J.E.I.)

La Universala Deklaracio de Homaj Rajtoj estis rezoluciita la 10an de decembro 1948 en la tria ĝenerala asembleo de Unuiĝintaj Nacioj, kaj en tiu ĉi jaro okazos la 50a datreveno. Dum tiuj jaroj, ĝi protektadis nin kiel gvidprincipo por la libero kaj la egaleco. Interalie en sia Artikolo 2, ĝi difinas ke la homo povas ĝui rajtojn kaj liberon sen suferi pro la diferenco de lingvo.
La penso ke ĉiu homo havas la rajton uzi sian propran lingvon kaj devas ne esti devigata uzi alian lingvon iĝis nomata tiu de Lingvaj Rajtoj kaj reprezentiĝas en la Universala Deklaracio pri Lingvaj Rajtoj, subskribita en 1996 en Barcelono fare de neregistaraj organizoj kun la subteno de UNESKO.
Ankaŭ la esperantistoj, konsentas kun tiu principo de Lingvaj Rajtoj kaj subtenas la Universalan Deklaracion de Homaj Rajtoj, el kiu ĝi fontas. Ĉar sen respekto al ĉies lingvo la ekzisto de la lingvo esperanto estas nepensebla. Esperanto estas lingvo publikigita de Zamenhof en 1887, kiu dum la 110 jaroj de sia ekzisto, nutrata, polurata de la subtenantoj ĉie en la mondo, ludis rolon de internacia komuna lingvo kiu ligas homojn kies lingvoj estas diferencaj. Tio estas agado ĝuste konforma al la penso pri Lingvaj Rajtoj.
Ni volas esprimi simpation al ĝi kaj subtenon al ĝia disvastigo, prezentante viajn subskribojn al Unuiĝintaj Nacioj la 10an de decembro tiun ĉi jaron okaze de la UNO-asembleo jubilanta la 50an datrevenon de la Deklaracio. Ni atendas vian konsenton.

Bonvolu sendi via(j)n subskribo(j)n per unu el la sekvantaj manieroj antaŭ 1998-11-10.

1.Printi la sekvantan paragrafon sur paperon, subskribi kaj leterpoŝte aŭ fakse sendi al:
Japana Esperanto-Instituto: JP-162-0042
Tokyo-to Sinzyuku-ku Waseda-mati 12-3
Telefono: +81-3-3203-4581
fakso: +81-3-3203-4582

2.Kopii la sekvantan paragrafon (inter horizontalaj strekoj) sur vian retpoŝtan paĝon, subskribi kaj retpoŝte sendi al:
Japana Esperanto-Instituto
(Rimarko) Vi povas selekti la paragrafon per mustreno(drag) kaj kopii/alglui.
Mi konsentas kaj subtenas la Universalan Deklaracion de Homaj Rajtoj kaj la Lingvajn Rajtojn, kiuj estas integra parto de la Homaj Rajtoj. Mi petas al UN doni pli da atento al la lingva dimensio de homaj rajtoj.

Dato:
Nomo:
Adreso:

Dato:
Nomo:
Adreso:

al Unuig^intaj Nacioj
pere de Japana Esperanto-Instituto

Universala Deklaracio de Homaj Rajtoj (ekstrakte )

Artikolo 1 Ĉiuj homoj estas denaske liberaj kaj egalaj laŭ digno kaj rajtoj. Ili posedas racion kaj konsciencon, kaj devus konduti unu al alia en spirito de frateco.

Artikolo 2 Ĉiuj rajtoj kaj liberecoj difinitaj en tiu ĉi Deklaracio validas same por ĉiuj homoj, sen kia ajn diferencigo, ĉu laŭ raso, haŭ tkoloro, sekso, lingvo, religio, politika aŭ alia opinio, nacia aŭ socia deveno, posedaĵoj, naskiĝo aŭ alia stato. Plie, nenia diferencigo estu farata surbaze de la politika, jurisdikcia aŭ internacia pozicio de la lando aŭ teritorio, al kiu apartenas la koncerna persono, senkonsidere ĉu ĝi estas sendependa, sub kuratoreco, ne-sinreganta aŭ sub kia ajn alia limigo de la suvereneco.

Artikolo 3 Ĉiu havas la rajtojn je vivo, libereco kaj persona sekureco.

La kompleta teksto troviĝas en:
Universala Deklaracio de Homaj Rajtoj

Unuiĝintaj Nacioj kaj esperanto

UNESKO (Eduka, Scienca kaj Kultura Organizo de Unuiĝintaj Nacioj) diras en la rezolucio de sia 4a ĝenerala asembleo de 1954 en Montevideo ke ĝi notas la rezultojn atingitajn per esperanto sur la kampo de internaciaj intelektaj interŝanĝoj kaj por la proksimigon de la popoloj de la mondo. Tiu de 1985 en Sofio rekonfirmis ĝin.
Universala Esperanto-Asocio estas de post 1954 en formalaj konsultaj rilatoj kun UNESKO, kaj ekde 1997 estas organizo en operaciaj rilatoj kun ĝi kaj estas Neregistara Organizo de Unuiĝintaj Nacioj kun specialaj konsultaj rilatoj.

Por plia informo pri UN kaj Esperanto, kontaktu:
Universala Esperanto-Asocio
Nieuwe Binnenweg 176, NL-3015 Rotterdam, Nederlando
tel. +31 10 436 1044, fakso +31 10 436 1751
retpoŝto: uea@inter.nl.net

Revenu al la Esperanta Hejmpaĝo de JEI.